6 C
Skopje
петок, март 1, 2024
More

    ПОСЛЕДНИ ОБЈАВИ

    Листа на најскапите и најевтините градови во светот

    Сингапур поради огромните трошоци за сопствениците на автомобили ја потврди првата позиција како најскап град во светот, петта година по ред, според годишната анкета спроведена од страна на „Economist Intelligence Unit“ (EIU).

    Азискиот финансиски центар токму поради контролата на сопственост на возила, односно високата цена на автомобилите и потврдите за сопственост на автомобил го намали загадувањето и сообраќајниот метеж што е честа појава во азиските градови. Сепак, ваквиот потег направи од Сингапур многу скап град. Сертификатот за сопственост на возило, на пример, чини околу 50.000 американски долари, а просечен патнички автомобил околу 100 илјади сингапурски долари.

    Иако постојат одредени бенефиции во поглед на домувањето, овој град и натаму е најскапиот во светот кога станува збор за купување и поседувае на возило, констатира EIU.

    Второто место го делат Париз и Цирих, на четвртата позиција е Хонг Конг, а Осло е петтиот најскап град во светот. Шестото место го делат Сеул и Женева, осми е Копенхаген, а на деветтата и десеттата позиција се Тел Авив и Сиднеј. По долго време, Токио и Њујорк не се на листата на десет најскапи градови.

    Азиските градови обично се најскапи кога станува збор за храна, а европските во категориите домашна помош, лична нега, рекреација и забава. Важна причина во промените на листата се флуктуациите на девизните курсеви, па поради послабиот американски долар, американските градови не се меѓу најскапите.

    Меѓу најевтините градови за живот се Дамаск, Каракас, Лагос и Карачи.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.