Американските актерки Лејди Гага (32) и Анџелина Џоли (43) се најдоа во непријатна позиција, бидејќи и двете сакаат да ја играат Клеопатра во новиот филм кој се најавува со години.
Гага е ново холивудско освежување на филмското платно, а со улогата во филмот „Ѕвездата е родена“ стана главен фаворит за освојување на наградата „Оскар“ во категоријата на главна женска улога. „Блесна“ рамо до рамо со Бредли Купер (44), кој исто така е и режисер на филмот. Дуото ги освои критичарите, па не е ни чудо што Лејди Гага сега се споменува како едно од најверојатните актерски имиња за улогата на Клеопатра.
Според извештаите на британскиот „Дејли стар”, Гага не е единствената заинтересирана за оваа улога.
Клеопатра, исто така, сака да биде и Анџелина, која долго време нема некоја позабележлива улога, а учеството во споменатиот филм би значело нејзино враќање во светот на актерството по неколкугодишната пауза. Покрај тоа, Џоли веќе неколку години се натпреварува и преговара за улогата на египетската владетелка.
Актерките ќе мора да ја заменат актерската дива Елизабет Тејлор, која во 1963 година ја отелотворуваше црнокосата убавица. Директорите рекоа дека главната улога ќе ја добие онаа која ќе успее да ја замени Елизабета на што подостоен начин, што сигурно нема да биде лесно. А кога ќе почне снимањето на филмот, сè уште не е познато.
