Џорџо Кјелини признава дека му е мило што е на истата страна со Кристијано Роналдо во Јувентус, откако Португалецот му ги „скршил соништата“ толку многу пати во минатото.
Петкратниот освојувач на „златната топка“ постојано беше „малер“ за „бјанконерите“ уништувајќи ги нивните европски надежи со честопати фантастични голови во финалињата и во другите фази на натпреварување во Лигата на шампионите. Но, сега 33-годишниот Роналдо е на „вистинската страна“, вели Кјелини.
„Кристијано постигна толку многу голови против нас и ми ги скрши соништата толку пати – во Кардиф, во Мадрид, во Торино. Претходно, Лигата на шампионите беше сон за мене. Сега, станува цел, бидејќи во Кристијано го имаме најдобриот фудбалер на светот и тој ќе ни помогне да го направиме последниот чекор. Тој има фантастични вештини на теренот, но надвор од него, неговиот однос, неговата работа, неговите подготовки се навистина важни за нас. Тимот е сменет поради него и сега мислам дека сме еден од четири-пет тима кои се фаворити – Барселона, Манчестер сити, Реал Мадрид, Баерн Минхен“, вели Кјелини во интервју за „Би-би-си спорт“.
Иако италијанскиот ветеран има 34 години, вели дека научил многу од Роналдо.
„Бев љубопитен да видам што се случува надвор до теренот. Неговата работа во вежбалната, неговата концентрација, тоа се обидувам да го копирам. Да бидам подобар секој ден“, додава Кјелини.
Инаку, Роналдо постигна 10 голови против својот сегашен клуб:
