Даинис Криштопанс вели дека тоа што Вардар е повторно шампион не е резултат на некоја тактика, туку на единството што го има меѓу ракометарите.
Криштопанс одигра фантастична сезона, тој е еден од најзаслужните за големиот успех на Вардар. А рецептот за тоа што го направија момците не е тактиката, туку нешто поголемо од тоа, вели.
„Ова беше како бајка. Игравме како едно, игравме како фамилија, како другари, само што ќе се погледнеме во очи знаеме што да одиграме. Ова е победа со срце и мислам дека тоа го реши овој натпревар, а не некоја тактика. Секоја чест за тренерот за тоа како нè подготви, но и тој ни рече играјте со срце и сè ќе биде добро“, изјави Криштопанс.
Извор: MKD.mk
