Кошаркарите на Торнто го совладаа Кливленд со 99:84 и го намалија резултатот во финалето на Источната конференција на 1-2. Де Розан и Бијомбо го предводеа Торонто, чии кошаркари ставија крај на низата од десет победи кои Кливленд ги имаше во годинешниот плејоф.
Де Розан постигна 32 поени на кои придодаде пет скока и четири асистенции, а Бијомбо постигна само седум поени (шест во последната четвртина), но имаше и неверојатни 26 скокови.
Торонто од самиот почеток го контролираше натпреварот, на полувреме разликата беше 13 поени, а кога Кливленд во последниот период се доближи на негатива од осум поени, Бијомбо со шест поени го реши победникот.
Покрај Де Розан и Бијомбо кај Торонто се истакнаа уште Лаури со 20 поени и Џозеф кој постигна 14 поени.
Леброн Џејмс на спротивната страна имаше учинок од 24 поени, четири скокови и осум асистенции, Смит постигна 22 поени, додека потфрли Ирвинг кој реализира 13 поени.
https://www.youtube.com/watch?v=iy0LEW2xlbI