Крилниот кошаркар на Макаби, Квинси Милер, поради повреда на задните вкрстени лигаменти, ќе паузира помеѓу шест и девет месеци.
Американецот кој блесна минатата сезона во дресот на Црвена ѕвезда, се повреди неколку недели по трансферот во Макаби.
Милер, за кого се шпекулираше дека би можел да добие македонски пасош и да игра за Македонија, минатата сезона во Евролигата бележеше по 14 поени, 5,7 скокови и 1,5 блокади по натпревар.
Макаби ќе мора да бара нов играч на пазарот, а според изралеските медиуми не е исклучена можноста клубот да го раскине договорот со Милер, бидејќи тој се повредил додека играл баскет со пријателите на универзитетот УЦЛА.
