Насобраните наслаги во машината за перење може да предизвикаат оштетување на апаратот доколку не се преземат мерки за негово отстранување.
Наслагите често се придружувани со уште два проблеми – појава на мувла и лош мирис.
Но, решението за овие 3 проблеми лежи во еден производ кој секоја домаќинка го има во својот кујнски шкаф.
Сè што ви треба го имате дома – оцет за јадење. Брзо ќе ги отстрани дури и најстарите наслаги. Покрај тоа, киселата течност се справува добро и со лошиот мирис и мувла.
Истурете 250 ml оцет директно во барабанот или преградата за прав. Потоа пуштете ја машината за перење на најдолгиот циклус, температурата мора да биде најмалку 60°C.
Кога ќе заврши циклусот на перење, избришете го гумениот заптив и дозерот со раствор од оцет, потоа навлажнете го парталот со вода и повторете ги чекорите, а потоа избришете сè со сува крпа.
