Луѓето редовно го користат времето додека патуваат во воз или метро за читање на мејловите за работа, што нивните патувања треба да се сметаат како дел од работниот ден, велат научниците.
Поширокиот пристап до wi-fi во возовите и користењето на мобилните телефони го продолжи работниот ден, се вели во студијата од Универзитетот на Западна Англија.
За студијата биле испитани 5.000 патници во железницата, на патни правци во Лондон, каде wi-fi мрежата стана достапна.
“Јас сум зафатена мајка и се потпирам на тоа време. Тоа е навистина важно за моето разумно разбирање дека можам да завршам работа во возот”, рекла една жена патник.
Студијата открила дека 54% од патниците кои користат Wi-Fi на возот, испраќаат работни пораки.
Оние кои се на пат кон работа, се фатени како праќаат пораки за наредниот ден, додека оние на враќање, ја довршуваат работната обврска која не успеале да ја завршат во текот на редовните работни часови.
“Тоа на некој начин е мртво време, па она што ми го дозволува е да завршам некоја обврска, наместо да работам во вечерните часови”, вели патник, кој патувал на линијата од Лондон до Бирмингем.
Подобрувањето на интернет пристапот има ефективна последица на продолжување на работното време, со користење на лаптопи и мобилни телефони.
Истражувачот Џулиет Џејн изјави дека паметните телефони и пристапот до мобилен интернет предизвикале замаглување на границите помеѓу работата и приватниот живот.
“Како да го броиме тоа време? Дали културите на работното место треба да се променат?” прашува Џејн.
Наместо технологијата која им даде на луѓето поголема флексибилност во текот на работата, студијата покажала дека луѓето работат дополнително на врвот на своето време во канцеларијата.
“Постои вистински предизвик во одлучувањето што претставува работа”, вели Џејн од универзитетскиот Центар за транспорт и општество.
Бизнис лидерите ги препознаа потешкотиите за поставување граници околу таквите работни пораки и мобилната технологија. Тие предупредија дека тоа би можело да ја оштети продуктивноста, ако работата стане премногу распространета.
“Оваа зголемување на флексибилноста има потенцијал радикално да го смени балансот помеѓу работата и животот на подобро, но исто така остава отворена врата за стрес и пониска продуктивност”, смета Џејми Кер од Институтот на директори.
Текстот Истражување: Широкиот пристап до интернет во возовите и користењето на мобилните телефони го продолжи работниот ден е превземен од МАКФАКС.
Истражување: Широкиот пристап до интернет во возовите и користењето на мобилните телефони го продолжи работниот ден
