Само во Зрновци за три месеци 12 починати и ниту едно родено дете. Ова е фрапантната статистика која на најочигледен можен начин ја дава сликата за празнењето на регионот.
Вкупно, за последните три месеци од минатата година, само по основ на природен прираст, Истокот се намалил за 136 жители или во просек по 1,5 на ден. Толкава е разликата помеѓу бројот на родени и починати.
Од октомври до декември се родиле 382 деца, а починале 518 овдешни жители.
Ако намалувањето продолжи со ова темпо, наскоро цели населени места во регионот целосно ќе исчезнат:
Младите не се женат и тоа е проблем, со тек на времето ќе исчезнат селата а се намалуваат и и младите во градот….изјавија анкетираните
Во отсуство на официјална анализа за причините за драстичниот пад на наталитетот, народот со своја логика зошто имаме се помалку деца:
Лугето немаат пари треба тоа дете треба да се исчува….Има модерни болести времето е деликатно и затоа нема репродукција…. изјавија граѓаните
Големо влијание има и иселувањето:
Младите се селат нема тука подмладок…… Нема репродукција младите се селат во странство… изјавија анкетираните
Инаку, по општини, најголема разлика меѓу родени и умрени има во Пробиштип 29, Кочани 25, Делчево 23, Виница 16; Чешиново Облешево и Зрновци со по 12 и Штип 11.
Единствено Македонска Каменица минатата година ја завршила со позитивен природен прираст, но разликата во позитива таму е одвај еден.
Извор: Tv Star
