Бебето кое е предвремено родено во Јапонија, со само 268 грама, пуштено е од болницата со 10 пати поголема тежина и нема здравствени проблеми, соопштила универзитетската болница во Токио.
После петмесечното престојување на одделението за неонатологија, момчето е отпуштено минатата недела со 3.238 грама.
Роден е во 22-та недела од бременоста, кога бил со големина на дланка на возрасен човек. Случаевите на бебињата кои се родени со тежина помала од 300 грама, а кои се развивале без здравствени проблеми, забележани се и порано во Јапонија и во Германија, а податоците се земени од меѓународниот регистар при американскиот универзитет во Ајова.
Момчето кое минатата недела е пуштено дома од јапонската болница, досега имало забележана најниска килажа за едно новороденче.
https://youtu.be/gx11aOQfK1E
