Невообичаено високото ниво на смог и временските услови го вклучија алармот во цела Азија, а властите на Тајланд на граѓаните им делат заштитни маски.
Во Бангкок, главниот град на Тајланд, властите дистрибуирале 10.000 маски, прскаат со вода за да се спушти прашината и воведоа строги контроли кога големи камиони може да се движат по градските улици, објави агенцијата АП.
Секретаријатот на Кралската авијација соопшти дека се подготвува да распореди два авиона за прскање со вода меѓу вторник и петок доколку временските услови го дозволат тоа.
Во Јужна Кореја невообичаеното високото ниво на ПМ 2,5-честичките предизвика воведување итни мерки за намалување на опасностите за јавното здравје.
Националниот институт за истражување на животната средина во земјата вели дека дневниот просек од 120 микрограми на кубен метар од понеделникот попладне е најлош од почетокот на мерењето на ПМ 2,5-честичките во 2015 година.
Индиските градови се меѓу најзагадените во светот поради што индиската влада објави петгодишна програма за намалување на загадувањето 30 отсто во однос на нивото од 2017 година.
