Сигурно и вам ви е познато дека со текот на времето секоја девојка почнува да се однесува како својата мајка. Нештата за кои ја советувала, конечно, добиваат вистинска смисла. Следниве знаци покажуваат дека вие сѐ повеќе се однесувате како неа.
1. На своите деца им велите „Затоа што јас така кажав!“ Речениците кои во детството ве нервирале, сега добиваат смисла.
2. Сѐ повеќе време ви е потребно за да излезете од дома: ја заклучувате вратата, па потоа отклучувате да проверите дали сте ја исклучиле пеглата или шпоретот.
3. Не успевате да се снајдете со новите технологии.
4. Ве погодува моментот кога не ве поздравува продавачот во продавница или кога се однесува безобразно кон вас.
5. Почнувате да гледате серии на телевизија тврдејќи дека се интересни и дека нема ништо друго на програмата.
6. Пред да одите во продавница, правите список.
7. Ги замолувате луѓето околу вас да го намалат тонот на радиото.
8. Не излегувате од својот дом пред да ги вратите нештата што сте ги користеле за да се подготвите на свое место.
