6 C
Skopje
недела, април 14, 2024
More

    ПОСЛЕДНИ ОБЈАВИ

    Заев соопшти колку ќе изнесува минималната плата од 1 јули

    Дванаесет земји го ратификуваа протоколот. На крајот на годината на декемврискиот самит ќе го добиеме полноправното членство во НАТО, рече премиерот Зоран Заев на митинг во Куманово, каде најави минимална плата од 13,000 денари од 1 јули.

    -Бројките веќе кажуваат. 624 милиони евра сди, БДП е сега 3.7% индустриското производство за првиот квартал е 8.8%, извозот и увозот од ТИРЗ е поголем од 27.5%. Минималната плата од 1 јули ќе биде 13.000 денари за да се забрза порастот на платите. Водиме политики со кои ќе ја зголемуваме просечната плата. Железни опинци ќе облечам просечна плата од 500 евра ќе има. Исплативме 100 милиони евра субвенции кај вистинските земјоделци“, рече Заев.

    Прочитај повеќе: Кандидатот за претседател поддржан од СДСМ и коалицијата Стево Пендаровски, вечерва побара поддршка од кумановци за претстојното гласање в недела, порачувајќи дека ќе спроведува концепт за развој на држвата и нејзино интегрирање во НАТО и ЕУ.

    -Ова е град каде што ВМРО ДПМНЕ никогаш не победил. Град кој знае да казни националнистичка политика. Од Куманово мора да дојде огромната предност која мора да биде со десетици илјади предност, бидејќи овде има резервоар на луѓе кои точно знаат за каква политика се залагаме сите ние и јас како формален кандидат, рече Пендаровски.

    Тој истакна дека во недела се гласа за политика која не носи во Европа.

    -Ставаме дефинитивен печат на забрана Никола Груевски да се врати назад, рече Пендаровски и посочи дека претходната власт била најлоша во историјата на државата.

    Тој истакна дека тој ќе работи во интерес на граѓаните и ќе критикува за разлика од досегашниот претседател, за кого рече дека не ги потпишува указите за одредени закони значајани за граѓаните.

    Лидерот на СДСМ и премиер, Зоран Заев се заблагодари на кумановци кои во првиот круг му ја дадоа довербата на Пендаровски, но рече дека многу повеќе се очекува од овој град, бидејќи истакна дека Куманово ги храбрело во минатото сите градови.

    -Многу е важна одлуката дали одиме напред со современиот свет, рамо до рамо или да се вратиме назад, рече, меѓу другото Заев.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.