Бебињата и децата беа спасени по неколку часа под урнатините по разорниот земјотрес во Турција, кој предизвика штети и во Сирија. Десетици згради се урнаа, а останаа само урнатини. И луѓето беа закопани под урнатините.
На социјалните мрежи се појавија многу видеа од спасувачки акции на кои се гледаат како живи извлекуваат мали бебиња од уништените згради.
2-месечно бебе поминало 29 часа под урнатините во регионот Хатај во Турција. Живо е извадено.
6-месечното девојче по име Ајша беше спасено заедно со нејзината мајка Јулија по речиси 30 часа под остатоците од нивната урната куќа во Хатај.
Во истиот регион живо е извадено 4-годишно девојче.
“Што се случува овде?”. Така прашува детето, кое откако го извлекле живо, влегува во шок.
По 48 часа под урнатините, спасено е бебе на возраст од околу 8 месеци.
15-месечно дете по 31 час е извлечено живо од под урната зграда во турската област Кахраманмарас.
3-годишно момче е спасено во турскиот град Малатија, кој е еден од епицентрите на земјотресот.