Играчот од средниот ред на фудбалската репрезентација на Русија, Игор Денисов (32), поради повреда ќе го пропушти Европското првенство во Франција.
Искусниот фудбалер на пријателскиот меч со репрезентацијата на Србија, кој се одигра во неделата во Монте Карло (1-1), го повреди бутниот мускул.
„Ќе мора да повикаме друг фудбалер, Денисов е потешко повреден. Веќе сме во контакт со играч кој треба да игра на неговата позиција“, рекол рускиот селектор Леонид Слутски.
Денисов е фудбалер на Динамо Москва, за репрезентацијата настапува од 2008 година и има одиграно 52 натпревари.
Русија на Европското првенство, кое в петок ќе започне во Франција, се наоѓа во Групата Б заедно со Англија, Словачка и Велс.