Новинарот на „ЕСПН“ Мајк Вајс по вториот натпревар од финалната серија во НБА лигата, помеѓу Голден Стејт и Кливленд, рекол дека од соблекувалната на Кливленд се чувствувал мирис на марихуана.
Кливленд го загубија вториот меч со 132:113 и губат во серијата со 2-0, а финалната серија се сели во Охајо.
По вториот пораз во Оукленд новинарот на „ЕСПН“ на социјалната мрежа Твитер напишал дека од соблекувалната на Кливленд се чувствува силен мирис на марихуана, но дека не е сигурен дали во прашање се играчите или можеби „запалил“ некој од претставниците на медиумите.
Третиот натпревар од финалната серија, прв на кој Кливленд ќе биде домаќин, на програмата е в четврток, во 3 часот по полноќ.
