Ентони Бурден, најпознатиот кулинарски патеписец, кој неодамна почина, во својата позната ТВ емисија за храната низ светот има јадено срце од кобра додека тоа уште чука и има посетено места каде што многу луѓе не би се осмелиле ниту да стапнат, но сепак кај него постоел неверојатен страв од една, за многумина совршена земја.
Гледачите ќе го паметат Бурден како бестрашен, љубопитен и духовит водител. Тој пропатува низ целиот свет и нема земја каде што не бил. Но дали е навистина така?
Имено, Ентони имал страв да патува во Швајцарија.
Земјата на снежните Алпи, шеширите со пердуви, часовниците со птици и надалеку познато сирење, од непозната причина кај него создавала страв.
Како што е случај со секој друг ирационален страв, Бурден не знаел зошто толку се плаши да патува во Швајцарија, но во една прилика изјавил дека популарното јодлање во многу швајцарски предели уште повеќе му го зголемило стравот.
Бурден го мина својот живот патувајќи низ целиот свет, но Швајцарија едноставно не одговарала на неговиот темперамент. Покрај стравот од Швајцарија, во листата на негови ирационални стравови, Бурден навел и кловнови, мимичари, караоке и стаорци.
