УЕФА го казниФудбалскиот сојуз на Хрватска, парично со 100.000 евра, и со забраната на продажба на билети на лица кои се наоѓаат на листата на хулигани.
Хрватскиот сојуз е казнет поради инцидентите кои група навивачи ги предизвикаа на натпреварот со Чешка (2-2), одигран во Сент Етиен на 17.јуни.
На споменатиот натпревар група на хрватски навивачи во 85.минута предизвика прекин откако на теренот фрлија факели и топовски удари.
Инаку, УЕФА води постапка против Хрватска и поради инцидентот на на мечот со Турција, одигран во првото коло. На овој меч навивачите користеа пиротехника на трибините, а еден од фановите влета на теренот и заедно со фудбалерите го прослави голот на Модриќ.
Хрватскиот фудбалски сојуз, во изминатите пет години, поради навивачите во касата на УЕФА има уплатено повеќе од 500.000 евра.
