Заврши комисиската расправа за одземање на имунитетот на поранешниот спикер Трајко Вељаноски, на која крајниот епилог беше четири гласа „За“ и четири гласа „Против“, што за прв пат се случува во Собранието да нема заклучок од оваа комисија кој би се испратил на пратеничкиот состав, јави ТВ24.
Со ова се отвора прашањето како ќе се одлучува за имунитетот на Вељаноски понатаму.
Според извори од владејачкото мнозинство, можна опција сега е претседателот на Собранието, Талат Џафери во консултација со стручни служби да даде насока дали воопшто ова прашање ќе им се предаде на пратениците да гласаат „За“ или „Против“ одземањето на имунитетот на поранешниот спикер на пленарна седница.
Во спротивно неизвесно е кој и дали воопшто ќе може да се препорача на парламентарците одземање имунитет на Вељаноски на пленарна седница, каде ќе требаше да се усвои барањето со 61 пратенички глас, односно со просто мнозинство.
За пратеничката група на ВМРО-ДПМНЕ состојбата е јасна – процедурата застанува тука, со оглед на фактот дека како што велат, Комисијата нема одлука и Собранието нема за што да расправа понатаму.
ЦИВИЛ МЕДИА: ДУИ го спаси Трајко
Трајко Велјаноски се спаси од притвор, благодарение на отсуството на пратеникот од ДУИ, чиј глас ја прави разликата меѓу СДСМ и ВМРО-ДПМНЕ кои имаат по 4 члена во Комисијата за мандатни и имунитетни прашања.
Со образложение дека му се слошила здравствената состојба, членот на ДУИ не присуствувал на гласањето на седницата на Комисијата. Во моментот на гласање, резултатот бил 4:4 за и против, со што барањето на судот за одземање на имунитетот на пратеникот Велјановски не се изгласало.
Сепак, ова сѐ уште ништо не значи, бидејќи последниот збор го има Собранието на пленарна седница, за која се очекува дека ќе биде свикана веќе утре. За кратко, читајте повеќе за изгледите на Велјановски по гласањето во Комисијата за мандатни и имунитетни прашања.
