Државната изборна комисија (ДИК) денеска на седница донесе ревидиран Роковник за парламентарните избори за кои политичките партии постигнаа договор да се одржат на 15-ти јули.
Лицата кои ќе се заразат од коронавирусот или ќе мора да одат во самоизолација на 7 дена пред гласањето, нема да можат да го исполнат своето граѓанско право. Сите заразени и самоизолирани ќе мора да се пријават доколку сакаат да гласаат на предвремените парламентарни избори, но не подоцна од 6-ти јули.
Државната изборна комисија едногласно го усвои ревидираниот роковник за продолжување изборните дејствија.
Сепак ДИК сè уште го чека протоколот од Комисијата за заразни болести според кој ќе се знае како точно ќе се одвива гласањето. Тој треба да пристигне во следните два до три дена, а потоа ДИК ќе го преточи во нивен документ.
