Деветнаесет лица сè уште се водат како исчезнати, два дена по нападот во хотелот во Најроби во кој беше убиено 21 лице, соопшти Црвениот крст на Кенија. Меѓу жртвите има британски и американски државјанин, а останатите најверојатно се кениски државјани.
DusitD2
Претседателот на Кенија, Ухуру Кенјата, соопшти вчера вечер дека 20-часовната опсада е завршена со ликвидација на сомалиските напаѓачи кои упаднаа во луксузниот хотелски комплекс „DusitD2“ во кој имало стотина гости и вработени.
Одговорноста за нападот ја презеде терористичката организација Ал Шабаб со седиште во Сомалија, која се бори да наметне строг исламски закон.
