Јавното обвинителство вчера предупреди дека возачот на автобусот на „Дурмо турс“, кој се преврте на 13 февруари и загинаа 15 лица, добива закани по животот. Оттаму повикаа да се почитува пресумпцијата на невиност, оти уште нема никакви докази против никого, пишува skopskoeho.mk
Во меѓувреме, возачот не ни престојува на домашната адреса во Гостивар. Медиумите го потврдија тоа во обид да го лоцираат, но на влезната врата освен насобрани сметки и заклучена брава, не најдоа никого.
И додека надлежните уште истражуваат, веќе почнува и политиката да поентира, особено албанските опоненти.
Десет дена нема никакви резултати од вештачењето на автобусот, а овој вакуум простор го искористи, сопственикот на „Дурмо турс“ и отворено прстот да го впери во возачот на автобусот. Тогаш рече дека редовно се вршени технички прегледи на автобусите, без разлика што тој е сопственик на компанијата за технички преглед, а дека возачот, едноставно, „ја изгубил контролата над возилото“.
Инаку, на „Дурмо турс“ не му е првпат да излета од патот. Косовските медиуми лани известиле за автобус на оваа компанија излизган на пат кон Приштина
Додека трае вештачењето на автобусот, шестмина уште се борат за живот.
