На сите тројца им е укажана лекарска помош во Клиничкиот центар во Скопје. МВР соопшти дека тие „се обезбедени за расчистување на случајот“.
Три лица се повредени со нож во масовната тепачка што во петок навечер се случи на улицата Рузвелтова во Скопје, соопшти полицијата.
Тепачката настанала помеѓу две лица од една страна и две лица од друга страна во едно од кафулињата на оваа улица. МВР има само првични сознанија за „нарушување на јавниот ред и мир од повеќе лица“ и нема детали за мотивот за тепачката.
Полицијата не го соопштува идентитетот на повредените и на учесниците во тепачката.
