Оскаровката Гвинет Палтроу неодамна беше на меден месец со својот сопруг Бред Фалчук за кого таа се омажи во септември минатата година. Она што е интересно е дека актерката призна оти заедно со нив бил и нејзиниот поранешен сопруг, пејачот на „Колдплеј“, Крис Мартин, и неговата нова девојка Дакота Џонсон.
„Тоа беше модерен меден месец“, рече Палтроу смеејќи се.
Гвинет и Бред беа во луксузен рисорт „Сонева Јани“, каде што ноќевање чини од 3.000 до 20.000 долари, во зависност од вилата што сте ја избрале.
Гвинет Палтроу и Крис Мартин беа во брак од 2003 до 2016 година и ги добија ќерката Епл и синот Мојсез. По разводот, актерката и пејачот останаа во добри односи, што го потврдува и фактот дека тие беа заедно на одмор.
