6 C
Skopje
недела, февруари 25, 2024
More

    ПОСЛЕДНИ ОБЈАВИ

    Времето потрошено за праќање службена е-пошта да се пресметува во работното време, предлага научна студија

    Патниците во градскиот превоз премногу често испраќаат службена е-пошта на пат до работното место, поради што таа активност би тебало да се пресметува во работното време, сметаат истражувачите од универзитетот West of England во Бристол.
    Пристапот до безжичен интернет во јавниот транспорт и широката употреба на мобилни телефони на некој начин го продолжуваат работниот ден, се наведува во студијата.
    Би-би-си информира дека студијата анализирала 5 000 патници на градските линии во Лондон, откако безжичниот интернет стана широко достапен. Според оваа студија, 54 отсто од патниците во возовите пристапот до интернет го користат за испраќање на службена е-пошта.
    Оние кои оделе на работа испраќале е-пошта во врска со обврските што ги чекаат, додека, пак, оние кои се враќале, праќале пораки за нешто што не успеале да го завршат во текот на работното време.
    Студијата покажала дека подобрата поврзаност на интернет влијае за продолжување на работното време и дека луѓето во возовите почесто користат лаптоп и мобилни телефони.
    Ова истражување го покрена прашањето за рамнотежата помеѓу работата и приватниот живот и дали е здраво дополнително да се продолжува работното време кога луѓето како и да е рутински одговараат на службената е-пошта дури и кога се слободни.
    Токму затоа научниците го поставуваат прашањето – доколку патот до работа практично е дел од самата работа, зарем не треба тој да се пресметува во работното време?
    Текстот Времето потрошено за праќање службена е-пошта да се пресметува во работното време, предлага научна студија е превземен од МАКФАКС.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.