ВМРО-Народна партија во отсуство на сеуште дефинирани мерки за економска помош, ги повикува министрите во Владата на Македонија редовно да си ги плаќаат обврските и долговите кон фирмите, на тој начин ќе овозможат базичниот принцип на економијата да не застане.
Плаќањето на веќе договорените и извршените работи од страна на фирмите ќе овозможи фирмите да ги исплатат платите кон вработените и повторно преку плаќање на даноци да ги вратат парите назад во буџетот.
Во таа насока посебно го повикуваме министерството за финансии кое треба перманентно да ги координира министерствата и да врши дополнителен притисок за исплата на веќе пристигнатите обврски.
