6 C
Skopje
петок, февруари 23, 2024
More

    ПОСЛЕДНИ ОБЈАВИ

    ФОТО: Пронајдена коса од двегодишното дете кое падна во бунар во Шпанија

    Спасувачките екипи пронајдоа коса од двегодишното дете кое падна во длабок бунар во Шпанија. Со ДНК тестовите е потврдено дека детето се наоѓа во тесниот и многу длабок бунар, но до него и по неколку дена од настанот не може да се пристапи. Малиот Џулен Росело, според претпоставките се наоѓа на длабочина од 73 метри од бунарот, каде што падна во неделата, додека со неговите родители бил на село.

    Шпански весник ,,Ел-Еспањол” пишува дека по четидневно пребарување, спасувачите пронашле коса од детето во калта од бунарот, до кој се ископани два помошни тунели.

    Стотици спасувачи се вклучени во акцијата за спасување на двегодишното дете и се обидуваат да го извлечат од тесниот бунар во јужната шпанска провинција Малага, кој едвај има една педа.

    Детето со своето семејство било во близина на селото Тоталан, кога паднало во бунарот. Карлос Мендоза (49) од Малага, кој живее во Тоталан во изјава за медиумите вели дека родини на семејството само што го купиле имотот пред неколку месеци, каде планирале да градат куќа. Тие за викенд дошле на имотот.

    ,,Ова е вистинска трагедија за селото, има само 600 луѓе тука и ние навистина сме вознемирени поради ова што се случи”, велат мештаните.

    Според нив, ќе биде вистинско чудо ако детето се уште е живо, но дека сите се молат тоа да се спаси.

    Дупката во која паднало детето е длабока над 300 метри, но широка помалку од една педа. И некаде во длабочините на бунарот се верува дека е заробено двегодишното дете.Малиот Џулен Росело се лизнал во бунарот, додека неговите родители се подготвувале за ручек во неделата.

    За да стигнат до Џулен, спасувачите дупчат два одделни тунели, од кои еден поминува паралелно со бунарот, додека другиот е дизајниран да отвори алтернативен хоризонтален пристап, користејќи како почетна точка платформа ископана во ридот во близина на бунарот. Тие исто така користат специјални машини за отстранување на земјата што го блокира пристапот до најдлабокиот дел од бунарот и инсталирање на цевка во внатрешноста на вратилото за да се намали ризикот од повеќе земја што паѓа во бунарот.

    Медиумите ги пренесуваат изјавите на таткото на Џулен кој го моли спасувачите да го пронајдат жив неговиот син. Хозе Росело, татко на Џулен, изјави за новинарите дека ,,имаме ангел што ќе му помогне на мојот син да излезе жив што е можно побрзо”.

    Родителите на Џулен веќе го загубиле својот прв син, кој починал кога имал 3 години од вродена срцева мана.

    Медиумското внимание на операцијата за спасување во јужна Шпанија потсетува на минатогодишните напори за спасување на 12-те момчиња и нивниот фудбалски тренер кои беа заробени повеќе од две недели во поплавената пештера во Тајланд.

    Медиумите прават паралела и со случајот со Џесика МекКлур, која во 1987 година паднала во напуштена бунарска дупка на 18-месечна возраст и останала заробена 58 часа, додека спасувачите не ја извлекле жива и здрава.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.