Будимпештанскиот замок Вајдахуњад важи за многу повеќе од обичен замок… Имено, оваа атракција во унгарската престолнина претставува архитектонски омаж кој комбинира 21 градбиа.
Иако изгледа средновековно, замокот е многу понов. Тој бил изграден во 1896 година, во време кога Кралството Унгарија (тогаш дел од Австро-Унгарската монархија) ја одбележувало илјадагодишнината од доселувањето на Унгарците во Панонија.
Оригиналниот замок Вајдахуњад бил изграден од штици и картони.
Но, како што во јавноста се зголемувала почитта кон прекрасниот објект, властите одлучиле да го обноват замокот со цврсти материјали.
Оттогаш замокот содржи 21 елемент од важни објекти од разни делови на Кралството Унгарија, а меѓу нив: романската катедрала во западна Унгарија, замокот Хуњади (познат и како замок Корвин) во Трансилванија, како и неколку австриски барокни и ренесансни палати… Со сето ова се покажуваат разните стилови на градба присутни на територијата на поранешната монархија.
Вајдахуњад е сместен во градскиот парк во Будимпешта, а до него може да се стигне преку еден од четирите моста на езерото што го опкружува.
Текстот (Видео) Позната знаменитост во Будимпешта, која првично била изградена од дрва и картони е превземен од МАКФАКС.
