Една победа ги дели кошаркарите на Кливленд Кавалирс од пласманот во големото финале, во НБА лигата, откако поведоа во серијата против Торотно Репторс со 3-2. Во петтиот меч од конференциското финале, катастрофално го поразија Торонто со 116-78.
https://www.youtube.com/watch?v=yktORdW0-zo
Кливленд победи на првите две средби, потоа Торонто возврати со две победи на домашен терен, а во петтиот меч Кавалирс од самиот почеток започнаа да го „газат“ противникот.
По првата четвртина Кливленд стекна предност од 18 поени, која до крајот немилосрдно ја зголемуваа. Високата предност му дозволи на тренерот Тајрон лу да ги одмора најдобрите играчи во последната четвртина.
Блескаше „Големата тројка“ на Кливленд, која искомбинира 71 поен. Кевин Лав постигна 25, а Леброн Џејмс и Кајри Ирвинг постигнаа по 23 поени.
Шестиот меч ќе се одигра во ноќта помеѓу петок и сабота (02:30 часот) во Торонто.