Во хрватското Собрание за малку беше избегната физичка пресметка меѓу премиерот Андреј Пленковиќ и пратеник од опозициската партија Мост. До инцидентот дојде откако Никола Грмоја го обвини Пленковиќ дека работи за интересите на Србија, на што Пленквоиќ неколкупати нервозно му возврати на обвинувањата, по што стана и тргна кон него.
На собраниската седница беше дискутирано за прашањето за поглавјата кои Србија ги отвора во ЕУ, а дека Загреб не се ни обидува тоа да го блокира.
На видео снимката може да се види дека Пленковиќ видно нервозен оди кон Грмоја, но неколку пратеници се собраа меѓу нив за да не дојде до поголем инцидент.
