Најстариот научник во Австралија, Дејвид Гудал, му ставил крај на својот живот во Швајцарија, опкружен со семејството.
Гудал, по потекло од Велика Британија, во својата 104. година одлучил да замине на патување во еден правец од западна Австралија во Швајцарија, каде што либералните закони му дозволуваат сам да одлучи за својот живот. Во последните часови од животот професорот Гудал уживал во омилената вечера – риба, начос и чизкејк, а во последните минути свирела „Ода на радоста“ од 9. симфонија на Бетовен.
Неговиот случај предизвика контроверзии во Австралија, каде што некои лекари од Перт сакале да му забранат да замине за Швајцарија.
„Моето семејство, кое живее во разни делови од Европа и Америка, се собра да ме испрати и благодарен сум што имав можност да ги видам, а веројатно немаше ако не се одлучев за евтаназија во Швајцарија“, изјави Гудал на прес-конференција еден ден пред да биде евтаназиран.
„Моите способности и вид се намалуваат, повеќе не сакам да живеам вака. До 90. година уживав во животот, но не и сега. Среќен сум што утре ќе ставам крај на ова и благодарен сум му на медицинскиот персонал“, рече тој.
На прашањето дали се двоумел за оваа одлука, тој одговори негативно. „Се надевам дека нешто позитивно ќе произлезе од мојата приказна и дека другите земји ќе усвојат полиберален поглед на потмогнатото самоубиство“, рече тој.
Гудал е еден од двестете странци што секоја година се одлучуваат за евтаназија во Швајцарија.
