Поранешниот директор на Бирото за јавна безбедност Митко Чавков вечерва е приведен, пренесува Сител од свои извори.
Тој е пренесен во истражниот затвор во Шутка откако Основното јавно обвинителство побара притвор поради добиени сознанија дека подготвувал бегство.
Надлежен обвинител од Основното јавно обвинителство за гонење на организиран криминал и корупција, поднесе Предлог за определување мерка – притвор за Митко Чавков.
По добиени сознанија и поради страв дека обвинетиот ќе се даде во бегство и ќе се крие со цел да ја избегне кривичната одговорност, обвинителството побара од Основниот суд Скопје 1 – Скопје да му биде определена мерка притвор.
-Заев, арамијо една! Бегај подалеку дури имаш странски пријатели! Канибалец!, напиша Зорица Чавкова, ќерката на Митко Чавков.
