Во пресрет на посетата на рускиот претседател на Белград, американската агенција „Блумберг“ пишува дека српскиот претседател Александар Вучиќ, ќе настојува тоа да го искористи и да обезбеди поддршка од Москва за постигнување договор за Косово, пренесуваат српските медиуми.
When Putin arrives in Serbia, he'll be greeted as the country's most popular foreign politician https://t.co/QmzxGe4WP9
— Bloomberg (@business) January 17, 2019
Рускиот претседател во Белград, како што пишува агенцијата, ќе го поздрави владеачката партија СНС, со собир кој ќе го истакне конфликтниот пристап на Србија кон придружувањето кон ЕУ. Како што оценува „Блумберг“, Вучиќ се обидува да даде сигнал дека не прифаќа противење на ЕУ на договорот со Косово за разграничувањето.
Агенцијата наведува дека Вучиќ и Хашим Тачи се свртеле кон Москва и Вашингтон поради поддршка на таквиот договор. Се наведува дека Вучиќ во 2012 година балансирал меѓу ветување за европска интеграција и одржување срдечни врски со Русија.
Неговиот однос со Путин е особено близок, оценува агенцијата и додава дека двајцата претседатели се сретнале повеќе од 10 пати и дека Русија му доделила на Вучиќ едно од своите најголеми признанија. Овој однос, како се наведува во анализата на „Блумберг“, сега игра улога додека Србија се обидува да направи промена во разговорите со Косово.
