Кујнските бришачи, особено оние што се направени од рециклирана хартија и ако за нивното произведство се употребени избелувачи, не треба да се користат за завиткување на храна и за бришење на измените садови, предупреди словенечкото здружение на потрошувачи по лабораториските анализи на повеќе примероци од словенечките продавници.
Од тестирани девет примероци, четири добиле оценка позитивна оценка за употреба во кујната, два добиле просечна оценка, додека три биле оценети како незадоволителни. Кај некои од нив се пронајдени бактерии и хемистки остатоци кои можат да дојдат во контакт со храната и се штетни за здравјето.
При испитувањето на микробиолошките карактеристики на примероци се покажало дека некои резултати се загрижувачки, бидејќи површината на хартија содржи мезофилни бактерии кои можат да бидат патогени, изјави Боштјан Окорн од Сојузот на потрошувачи на Словенија (ЗПС), што е најголемо здружение за заштита на пвата на потрошувачите.
На потрошувачите им се препорачува да купуваат и да користат само хартиени бришачи од нерециклирана хартија, за да ја намалат можноста за пренос на нечистотија и хемиски остатоци на храната. исто така, ако е можно се препорачува да се користат класични кујнски крпи, место хартиени.
