6 C
Skopje
четврток, јуни 13, 2024
More

    ПОСЛЕДНИ ОБЈАВИ

    Американски санкции за Приштина доколку не се укинат таксите за српските производи?

    Советот за национална безбедност на САД и американскиот Стејт департмент во документ со осум точки од Приштина барaат веднаш да бидат укинати високите такси за српските производи бидејќи во спортивно ќе бидат воведени санкции, пренсува српски „Б92“.

    „Бараме таксите веднаш да се укинат“, стои, наводно, во документот, во кој се додадава дека во спротивно Приштина ќе биде санкционирана со повлекување на поддршката за Косовските безбедносни сили. Документот бил доставен во писмена форма до владата во Приштина, но исто така и до други релевантни институции, пишува „Б92“ повикувајќи се на информации од телевизијата „Клајн Косова“.

    Во документот наводно се истакнува дека американската поддршка за Косово не е неограничена. „Косово моментно со себе го носи товарот од опасноста дијалогот да доживее неуспех“, се предупредува во дописот.

    Во документот понатаму се изразува длабоко разочарување, бидејќи, како што наведува, Приштина не презела ништо што би било позитивен одраз на писмото од претседателот на САД, Доналд Трамп, упатено до Хашим Тачи, пренесува „Б92“. Спротивно на тоа, како што се вели, мерките во меѓувреме биле проширени и на други српски производи.

    „Успехот и постигнувањето договор не се поврзани со улогата на Федерика Могерини и ЕУ. Успехот на договорот е стратешки интерес на САД, според тоа, неприфатливо е за нас да се доведува во прашање ваквата стратешка цел со неодговорни потези од страна на косовските лидери“, стои во документот.

    Меѓутоа, владата во Приштина тврди дека не добиле никаква порака од САД во врска со укинување на наметнатите такси за производи од Србија.

    „Ние не сме добиле никакво барање од САД“, изјавил шефот на кабинетот на косовскиот премиер, Авни Арифи, за „Газета Експрес“. „Коха онлајн“ претходно денеска објави дека Вашингтон преку Амбасадата на САД ја повикала официјална Приштина да ги укине таксите за стока од Србија и на тој начин да го отвори патот за продолжување на дијалогот со Белград.

    Latest Posts

    АКТУЕЛНО

    Stay in touch

    To be updated with all the latest news, offers and special announcements.